തോന്നയ്ക്കൽ കണ്ട കാഴ്ചകൾ

ഇന്നു സ്കൂൾ സന്ദർശനത്തിന്റെ ഭാഗമായി രാവിലെ 9.50 നു തോന്നയ്ക്കൽ ഗവ എൽ.പി.എസ്സിൽ എത്തി. അസ്സംബ്ലി കണ്ടു. സ്കൂളിന്റെ പ്രൌഡി വിളിച്ചോതുന്ന അസംബ്ലി.

 അസംബ്ലിയിലെ ഹെഡ്മിസ്ട്രസ്സിന്റെ അഭിസംബോധന എടുത്തു പറയേണ്ട ഒന്നാണു.
തുടർന്ന് ക്ലാസ് മുറികളിലേക്ക്. ആദ്യം 4ബി ക്ലാസ്സിൽ. സമയവുമായി ബന്ധപ്പെട്ട  ഒരു പ്രവർത്തനമായിരുന്നു അപ്പോൾ ജതീഷ് സാർ വിനിമയം ചെയ്തുകൊണ്ടിരുന്നത്.  വളരെ നല്ല രീതിയിൽ കുട്ടികളിൽ ആ പഠനനേട്ടം എത്തിക്കുന്നതിനുള്ള ശ്രമവും, എല്ലാവരുടെയും പങ്കാളിത്തം ഉറപ്പാക്കുന്നതിനുള്ള ശ്രദ്ധയും എടുത്തുപറയേണ്ടതു തന്നെ.  രജനി ടീച്ചറിന്റെ പരിസരപഠനം ക്ലാസ്സും മികച്ചതു തന്നെ.

ഇന്റർവലിനെ ശേഷം കയറിയ മഞ്ജു ടീച്ചറിന്റെ ക്ലാസ്സും ഒരനുഭവമായിരുന്നു.  എല്ലാ വിഭാഗം കുട്ടികളെയും  ഉൾക്കൊള്ളുന്ന ഒരു ഇംഗ്ലീഷ് മീഡിയം ക്ലാസ്. വളരെ നല്ല നിലവാരമുള്ളതായിരുന്നു ക്ലാസ്.

ക്ലാസ് മുറി ഒന്നാം ക്ലാസ്സ്

ക്ലാസ് മുറി ഒന്നാം ക്ലാസ്സ്

 മറ്റൊരു ഒന്നാം ക്ലാസ്സിലെ ടീച്ചറാണു നൂർജിഹാൻ.  മലയാളം മീഡിയം ഒന്നാം ക്ലാസ്സണു.
ഓരൊ കുട്ടികളുടെയും കഴിവുകൾ റ്റീച്ചർ പ്രത്യേകം പ്രത്യേകം വിവരിച്ചു തന്നു. ഓരൊരുത്തരുടെയും സാഹചര്യങ്ങൾ മനസിലാക്കി ടീച്ചർ കുട്ടികളെ കൈകാര്യം ചെയ്യുന്നു. അവർക്ക് വേണ്ട പ്രവർത്തനം നൽകുന്നു.

ക്ലാസ്സ് - പഠനത്തെളിവുകള്‍

എല്ലാക്ലാസ്സുകളും അധ്യാപകരും തികഞ്ഞ ആത്മാർത്ഥതയോടേ പ്രവർത്തിക്കുന്നു. അതോടൊപ്പം എല്ലാം അതാത് സമയം ശ്രദ്ധിക്കുകയും നിർദ്ദേശങ്ങൾ നൽകുകയും ചെയ്യുന്ന ഹെഡ്മിസ്ട്രസ്സ്.
അതാണു ഈ വിദ്യാലയത്തിന്റെ മികവെന്ന് ഞാൻ മനസിലാക്കുന്നു.